Китоби муфид доир ба сиёсати хориҷӣ

Февраль 21, 2012 10:53

Душанбе, 21 феврал. (АМИТ «Ховар», Дилшодаи Хайруллоҳ). – Зафар Сайидзода: «Ҳамоҳангии авлавиятҳои назарраси геополитикӣ бо диверсификатсияи равобити байналмилалӣ амалияи муқаррарӣ дар сиёсати хориҷии аксари давлатҳои муосир аст».  Дар нашриёти «Контраст» — и пойтахт нашри чоруми китоби номзади илмҳои фалсафа, мушовири калони Сарвари давлати Тоҷикистон Зафар Сайидзода таҳти унвони «Манфиатҳои асосии сиёсати хориҷии Тоҷикистон дар ҳудуди асрҳо» нашр шуд. Ин дафъа монографияи мазкур дар таҳрири нав интишор гардида ва барои хонандаи сершумор пешбинӣ шудааст. Бинобар ин нусхаи электронии он дар интернет – сомонаи Маркази тадқиқоти стратегии назди Президенти Ҷумҳурии Тоҷикистон ҷойгир карда мешавад. Хонанда монографияи дар асоси маводи бузурги аслии марбут ба фаъолияти Президент ва идораи сиёсати хориҷии Ҷумҳурии Тоҷикистон тартибёфтаро қироат намуда, мутмаин мешавад, ки сиёсати хориҷии давлатамон дар прагматизми солим, созандагӣ, возеҳу шаффофият ва ҷустуҷӯи умумияти манофеи асосӣ дар минтақа ва арсаи ҷаҳон қарор дорад.Ин нахустин китоб доир ба таърихи раванди сиёсати хориҷии Ҷумҳурии Тоҷикистон буда, дар он иқдоми сиёсати хориҷӣ, ибтикорот ва мулоқоту гуфтушунидҳои Сарвари давлат Эмомалӣ Раҳмон дар ду даҳсолаи аввали истиқлолият муфассал ва саҳеҳу боэътимод инъикос ёфтаанд.

Февраль 21, 2012 10:53

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд