Кумита раисонро ҳушдор дод
Душанбе, 14 феврал. (АМИТ «Ховар», Лаззат Диловарзод).- Кумитаи давлатии заминсозӣ ва геодезии Ҷумҳурии Тоҷикистон баъди анҷоми санҷиши тақсими ғайриқонунии замин дар шаҳру навоҳии ҷумҳурӣ ба унвони раисони вилоятҳои Хатлон, Суғд ва раисони ноҳияҳои Ҷиликӯл, Ҷалолиддини Румии вилояти Хатлон ва шаҳри Исфараи вилояти Суғд, ҳамчунин ба номи раиси ноҳияи Шаҳринав маълумотнома ирсол намуд. Дар маълумотнома доир ба хилофи моддаи 29 –и Кодекси замини Ҷумҳурии Тоҷикистон ва қарори Ҳукумати ҷумҳурӣ аз 1- уми сентябри соли 2005 амал намудани мақомоти иҷроияи маҳаллии ҳокимияти давлатии шаҳру ноҳияҳо, раисони ҷамоатҳо, кумитаҳои заминсозии ноҳияҳои зикршуда, далелҳои зарурӣ доир ба тақсими ғайриқонунии заминҳои корам, хусусан заминҳои обӣ пешниҳод гардидааст, ки ҷиҳати бартараф намудани он бояд чораҷӯӣ карда шавад. Мутаассифона, то ҳол доир ба бартараф намудани камбудиҳои ҷойдошта аз тарафи мақомоти иҷроияи маҳаллии ҳокимияти давлатии шаҳру ноҳияҳои номбурда ба Кумитаи заминсозӣ ва геодезии ҶТ маълумот пешниҳод нашудааст. Ин маънии онро дорад, ки камбудиҳо ҳанӯз бартараф нашудаанд ва заминҳои ғайриқонунӣ тақсимшуда ба ҳолати аввала баргардонида нашудаанд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
