Маросими видоъ бо хизматчиёни ҳарбӣ
Душанбе, 15 феврал. (АМИТ «Ховар», Лутфия Эшонкулова).- Имрўз дар пойгоҳи Донишкадаи ҳарбии Вазорати мудофиаи Ҷумҳурии Тоҷикистон маросими дафни хизматчиёни ҳарбие, ки дар натиҷаи суқути чархбол ба ҳалокат расида буданд, баргузор гардид.Дар маросим ҳайатҳои роҳбарӣ ва фармондеҳии сохторҳои қудратии мамлакат, афсарону масъулини дастгоҳи марказии Вазорати мудофиа ва Ситоди Генералии Қувваҳои Мусаллаҳ, низомиёни дигар мақомоти қудратӣ ва наздикону пайвандони эшон гирд омада буданд.Маросими дафн тибқи анъанаи низомиён бо ёдоварӣ аз корнамоию фаъолияти хизматчиёни ҳарбии марҳум ва баргузории расми гузашти ҳарбӣ доир карда шуд.Бояд хотирасон намуд, ки рўзи 11 феврали соли 2012 дар минтақаи Зобули Давлати Исломии Афғонистон чархболи МИ-8, ки ба Қувваҳои ҳарбию ҳавоӣ ва мудофиаи зидди ҳавоии Ҷумҳурии Тоҷикистон тааллуқ дошт, суқут кард. Дар натиҷаи он подполковник Грудина Вадим Вячиславович, майор Ҷӯраев Бахтиёр Темурхонович, лейтенанти калон Амирбеков Хушнуд Кӯканбекович ва лейтенанти калон Мансуров Азизулло Тӯробхонович ба ҳалокат расиданд.Дар ин бора ба АМИТ «Ховар» аз маркази матбуоти Вазорати мудофиаи ҶТ хабар доданд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
