Машварат аз рӯи масъалаҳои тезонидани пармакорӣ

Душанбе, 6 феврал. (АМИТ «Ховар», Покиза Маҳмадбекова). –Намояндагони ташкилотҳои пудратие, ки дар татбиқи лоиҳаи Gazprom International ҷиҳати пармакории ҷоҳи «Шаҳринав – 1» воқеъ дар қитъаи Сариқамиши Тоҷикистон иштирок доранд, маҳалли пармакориро аз назар гузарониданд.Тавре дар намояндагии ҶСП «Газпром зарубежнефтегаз» воқеъ дар Ҷумҳурии Тоҷикистон ба АМИТ «Ховар» хабар доданд, меҳмонон баъди шиносоӣ бо ҷараёни пармакорӣ машварат доир намуданд. Хотирнишон месозем, ки дар доираи ин лоиҳа дар чор маҳалли нафту газдори Тоҷикистон, аз қабили Сариқамиш, Саргазон, Ренган ва Шоҳамбарии Ғарбӣ корҳои геологию иктишофӣ анҷом дода мешаванд.