Мирзошоҳрух Асрорӣ раис интихоб шуд
Душанбе, 24 феврал. (АМИТ «Ховар», Дилшодаи Хайрулло). — Имрӯз дар шаҳри Душанбе ҷаласаи навбатии Комиссияи миллии Ҷумҳурии Тоҷикистон оид ба корҳои ЮНЕСКО баргузор гардид. Аз рӯи рӯзномаи маҷлис раиси комиссия Кароматулло Олимов ва котиби масъули комиссия Шаҳло Абдураҳимова гузориш доданд. Аз ҷумла, таъкид гардид, ки бо дастгирии ЮНЕСКО дар Ҷумҳурии Тоҷикистон тайи солҳои охир як қатор тадбирҳои муҳим анҷом дода шуданд. Аз ҷумла, бо дастгирии ЮНЕСКО дар Фаронсаю Амрико бо иштироки Сарвари давлат Эмомалӣ Раҳмон чорабиниҳои бошукӯҳи фарҳангӣ баргузор гардиданд.Ёдгории Саразм ва мероси мусиқии «Шашмақом» ба феҳристи ёдгориҳои ҷаҳонӣ ворид шуданд. Аз ҷониби ин созмон пазируфта шудани 2700 — солагии шаҳри Кӯлоб, 1000 – солагии таълифи «Шоҳнома», бузургдошти фарзандони миллат Абӯалӣ ибни Сино ва Носири Хисрав аз рӯйдодҳои фараҳбахши фарҳангӣ арзёбӣ шуданд.Дар ҷаласа масъалаи ташкилӣ низ баррасӣ шуд. Бо дастгирии якдилонаи аъзои комиссия вазири фарҳанги Ҷумҳурии Тоҷикистон Мирзошоҳрух Асрорӣ раиси комиссияи миллии Ҷумҳурии Тоҷикистон оид ба корҳои ЮНЕСКО интихоб гардид. Барои заҳматҳои шоён дар мақоми роҳбарӣ, ки 11 сол муваффақона идома ёфт, ба Кароматулло Олимов изҳори сипос карда шуд.
Имрӯз дар водиҳои Тоҷикистон ҳаво то 36 дараҷа гарм мешавад
Дар Хоруғ маркази савдои муосир ба истифода дода шуд
Дар баъзе минтақаҳои Тоҷикистон баландшавии ҳолати ифлосшавии ҳавои атмосферӣ дар назар аст
Дар Суғд даври вилоятии озмуни «Беҳтарин хизматчии давлатӣ аз ҳисоби занон» доир гардид
Ҳайати Тоҷикистон дар Форуми ҷавонони Осиё Марказӣ дар Ашқобод иштирок намуд
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Китоби «Садриддин Айнӣ. Феҳристи адабиёт» рӯнамоӣ гардид
Имрӯз дар шаҳри Душанбе ҳаво то 38 дараҷа гарм мешавад
«МегаФон Тоҷикистон» шабакаро ба суръатҳои нави гигабитӣ омода менамояд
Бахшида ба 34-солагии Истиқлолияти давлатии Тоҷикистон дар шаҳри Пенза ҳамоиш доир шуд
«ИСТИҚЛОЛ-НЕЪМАТИ БЕБАҲО». Дар ин мавзуъ дар Донишгоҳи давлатии Хоруғ конференсияи илмӣ доир гардид
