Муҳокимаи қонун дар шаҳри Душанбе

Душанбе, 9 феврал. (АМИТ «Ховар», Кристина Эрлих). – Дар Маркази клиникии ҷумҳуриявии бемориҳои пӯст ва сӯзок қонунҳои ҶТ «Дар бораи масъулияти волидайн барои таълиму тарбияи фарзандон» ва «Оид ба танзими анъана ва ҷашну маросимҳо дар ҶТ» мавриди муҳокима қарор гирифтанд.Дар ин бора аз маркази матбуоти Вазорати тандурустии ҶТ ба АМИТ «Ховар» хабар доданд.Дар мулоқот сардухтури Маркази клиникии ҷумҳуриявии бемориҳои пӯст ва сӯзок Азизулло Қосимов, мудири шӯъбаи оид ба корҳои дини ноҳияи Шоҳмансур Отамурод Бекмуродов ва кормандони масъули бахши тандурустӣ иштирок доштанд. Дар ҷараёни мулоқот масъалаҳои тарзи солими зиндагӣ, ҷалби ҷавонон ба илму фарҳанг ва тадбирҳои дигари ҷамъиятӣ мавриди муҳокима қарор гирифтанд.