Муҳокимаи масъалаҳои саводи ҳуқуқии низомиён

Душанбе, 2 феврал. (АМИТ «Ховар», Лутфия Эшонқулова). – Дар ҷаласаи мақомоти иҷроияи ҳокимияти давлатии вилояти Суғд масъалаҳои беҳдошти кор бо ҳайати шахсии кисмҳои ҳарбии гарнизони Суғд, тақвияти саводи ҳуқуқии ҳайати шахсӣ ва ҷилавгирии ҳодисаҳои нохуш, аз ҷумла ҳодисаҳои зӯроварӣ байни сарбозону афсарон мавриди муҳокима қарор гирифтанд. Дар ҷаласа муовинони раисони шаҳру ноҳияҳо ва намояндагони қисмҳои ҳарбии гарнизони Суғд оид ба кор бо ҳайати шахсӣ дар ҳолатҳои фавқулодда иштирок доштанд.Иштирокдорони ҷаласа зикр намуданд, ки ҳоло дар қисмҳои ҳарбии Вазорати мудофиа, Горди миллӣ, вазоратҳои корҳои дохилӣ ва адлия, Кумитаи ҳолатҳои фавқулодда ва мудофиаи шаҳрвандӣ ва Сарраёсати қӯшунҳои сарҳадии ҶТ шароити адои хизмат ва манзилии хизматчиёни ҳарбӣ, ҳамчунин вазъи бо техникаи зарурии ҳарбӣ таъмин намудани онҳо хеле беҳтар шудааст.