Мулоқот бо ширкати «DWM Petroleum»

Душанбе, 16 феврал. (АМИТ «Ховар», Дилшодаи Хайруллоҳ). – Дар Вазорати энергетика ва саноати Ҷумҳурии Тоҷикистон вохӯрии вазири энергетика ва саноати Ҷумҳурии Тоҷикистон Гул Шералӣ бо роҳбарияти ширкати «DWM Petroleum»-и Швейтсария (муассиси ҶМСП «Сомон-ойл») баргузор гардид. Дар вохӯрӣ вазири энергетика ва саноати Ҷумҳурии Тоҷикистон доир ба ҷараёни иҷрои корҳои сейсмоиктишофӣ, ки аз тарафи ҶМСП «Сомон-ойл» анҷом дода мешаванд, ибрози назар намуда, зарурати ҳарчи тезтар омода кардани корҳои пармакунии майдонҳоро таъкид намуд. Дар навбати худ намояндагони «DWM Petroleum» зикр намуданд, ки ширкат барои рушди корҳои сейсмоиктишофӣ ва пармакунӣ тавассути ҶМСП «Сомон-ойл» маблағҳои иловагиро барои пешбурди корҳо таъсис хоҳад дод.