Мулоқот дар Вазорати рушди иқтисод ва савдо

Душанбе, 6 феврал. (АМИТ «Ховар», Покиза Маҳмадбекова). – Дар шаҳри Душанбе мулоқоти вазири рушди иқтисод ва савдои ҶТ Шариф Раҳимзода бо роҳбари ҷамъияти ҳамкории байналмилалии GIZ – и Олмон Стефан Эрбер баргузор гардид. Дар ин бора аз маркази матбуоти Вазорати рушди иқтисод ва савдои ҷумҳурӣ ба АМИТ «Ховар» хабар доданд.Ҷонибҳо дар ҷараёни мулоқот перомуни барномаю лоиҳаҳое табодули афкор намуданд, ки онҳоро ҷамъияти номбурда дар бахши иқтисодиёт, соҳибкорӣ, тандурустӣ ва маорифи Тоҷикистон дар амал татбиқ менамояд.