Мулоқоти Қ.Қоимдодов бо Михаил Рус

Душанбе, 2 феврал. (АМИТ «Ховар», Пайрав Назаров). – Дар шаҳри Минск мулоқоти Сафири Ҷумҳурии Тоҷикистон дар Ҷумҳурии Беларус Қозидавлат Қоимдодов бо ҳамраиси қисми беларусии Комиссияи байниҳукуматии Тоҷикистону Беларус аз рӯи масъалаҳои ҳамкории тиҷоратию иқтисодӣ, вазири кишорварзӣ ва озуқаи Ҷумҳурии Беларус Михаил Рус баргузор гардид.Ҷонибҳо изҳори ақида намуданд, ки ба манзури иҷрои супоришоти сарони ду давлат аз рӯи доираи васеи ҳамкории дуҷониба бояд вақтҳои наздиктарин механизмҳои таъсирбахш ҷиҳати иҷрои вазифаҳои ба миёнгузошташуда муйян карда шаванд. Аз ҷумла, зикр шуд, ки бо вуҷуди панҷ баробар афзудани ҳаҷми муомилоти мол имконияти бузурге вуҷуд дорад, ки бояд барои афзун намудани ҳаҷми он мавриди истифода қарор дода шавад. Дар ин бора ба АМИТ «Ховар» дар Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ хабар доданд.