Мулоқоти Ҳамрохон Зарифӣ бо Ив Арнолди
Душанбе, 22 феврал. (АМИТ «Ховар», Пайрав Назаров). – 21 феврал вазири корҳои хориҷии ҶТ Ҳамроҳон Зарифӣ роҳбари дафтари минтақавии Намояндагии Кумитаи Байналмилалии Салиби Сурх дар кишварҳои Осиёи Марказӣ Ив Арнолдиро ба ҳузур пазируфт. Ив Арнолди дар ҷараёни мулоқот вазирро бо фаъолияти Кумитаи Байналиилалии Салиби Сурх дар минтақа ва Тоҷикистон тайи соли 2011, ҳамчунин бо самтҳои асосии фаъолияти он дар Тоҷикистон барои соли 2012 шинос кард.Аз рӯи доираи васеи масъалаҳои марбут ба рушди минбаъдаи ҳамкории миёни Тоҷикистон ва Кумитаи Байналмилалии Салиби Сурх табодули афкор барпо гардид. Ҷонибҳо сатҳи ҳамкорӣ аз рӯи масъалаҳои ба расмият шинохтани ҳуқуқи башардӯстонаи байналмилалӣ, воқиф намудани аҳолӣ аз хавфи минаҳо, дастгирии муассисаҳои тиббии водии Рашт ва ҳамкории Салиби Сурх бо Ҷамъияти миллии Ҳилоли Аҳмари Тоҷикистонро бо камоли қаноатмандӣ қайд намуданд.Дар хотима аз амалияи доир намудани машваратҳои доимии байни ВКХ ҶТ ва Намояндагии Кумитаи Байналмилалии Салиби Сурх изҳори қаноатмандӣ карда шуд.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
