Мулоқоти намояндагони GIZ бо раиси КҲМЗ

Душанбе, 13 феврал. (АМИТ «Ховар», Назир Назиров). – Дар шаҳри Душанбе мулоқоти раиси Кумитаи ҳифзи муҳити зисти назди Ҳукумати ҶТ Талбак Салимов бо намояндагони Барномаи минтақавӣ оид ба истифодаи устувори захираҳои табии Осиёи Марказӣ («GIZ») баргузор гардид. Ҷонибҳо масъалаҳои марбут ба татбиқи лоиҳаи «Истифодаи устувори захираҳои табиии Кӯҳистони Бадахшон», ҳамчунин масоили сиёсати Ҷумҳурии Тоҷикистон дар бахши ҷангалро мавриди муҳокима қарор доданд.Ҳамчунин дар чаҳорчӯбаи лоиҳаи «Истифодаи устувори захираҳои табиии Кӯҳистони Бадахшон» вазифаҳои таҳияи фасли дигари лоиҳа аз рӯи ҳайвоноти ваҳшӣ баррасӣ шуданд.