Мулоқоти Намояндагони ХМ ҶТ бо ҳамтоёни худ аз Тюмен

Душанбе, 20 феврал. (АМИТ «Ховар», Лутфия Эшонқулова). – Чанде пеш дар шаҳри Тюмени Русия мулоқоти консули генералии Тоҷикистон дар шаҳри Екатеринбург Парвиз Асоев, нозири Намояндагии Хадамоти муҳоҷирати назди Ҳукумати ҶТ дар ФР Шоҳназар Табаров бо сардори раёсати Хадамоти федералии муҳоҷирати вилояти Тюмен Юрий Марченко баргузор гардид.Тавре аз маркази матбуоти Намояндагии Хадамоти муҳоҷират ба АМИТ «Ховар» хабар доданд. зимни мулоқот масъалаҳои ҳамкорӣ ҷиҳати ҳалли проблемаҳои муҳоҷират, аз ҷумла вазъи омодагии муҳоҷирон пеш аз сафар ба Русия, таълиму такмили ихтисоси онҳо, ҳамчунин қонунӣ гардонидани ҳолати ҳуқуқии муҳоҷирони меҳнатии Тоҷикистон дар вилояти Тюмен мавриди муҳокима қарор гирифтанд. Мусоҳибон изҳор доштанд, ки кори муштаракро дар ин бахш давом дода ва барои ҳалли масъалаҳои марбута зуд – зуд дар тамос мешаванд.