Мулоқоти сафири Тоҷикистон бо вазири фарҳанги Украина
Душанбе, 28 феврал. (АМИТ «Ховар», Пайрав Назаров). – Чанде пеш дар шаҳри Киев мулоқоти Сафири Тоҷикистон дар Украина Шӯҳрат Султонов бо вазири фарҳанги Украина Михаил Кулиняк баргузор гардид. Тавре аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд, ҷонибҳо дар ҷараёни мулоқот масъалаҳои муносибатҳои дутарафа дар бахши фарҳанг, аз ҷумла рушди ҳамкории ташкилотҳои эҷодӣ, густариши равобити намояндагони фарҳангу санъати Тоҷикистону Украинаро мавриди муҳокима қарор доданд. Ш.Султонов аҳамияти дар амал татбиқ намудани аҳду паймонеро, ки дар ҷараёни сафари расмии Президенти Ҷумҳурии Тоҷикистон Эмомалӣ Раҳмон ба Украина дар мавриди соли 2012 доир намудани Рӯзҳои фарҳанги Тоҷикистон дар Украина ба Рӯзҳои фарҳанги Украина дар Тоҷикистон ба даст омада буд, таъкид сохт. М.Кулиняк дар навбати худ тасдиқ намуд, ки ҷониби Украина тарафдори рушди минбаъдаи робитаҳои фарҳангии ҳар ду кишвар аст. Номбурда мақоми хосаи рӯзҳои анъанавии фарҳанг дар ин бахшро қайд намуд.Дар анҷоми мулоқот Сафири Тоҷикистон М.Кулинякро ба тадбирҳои тантанавӣ бахшида ба Рӯзи байналмилалии Наврӯз, ки онро Сафорати Тоҷикистон якҷоя бо сафоратҳои Афғонистон, Озарбойҷон, Эрон, Туркия ва кишварҳои Осиёи Марказӣ доир менамояд, даъват намуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






