Муродҷон медали биринҷӣ овард

Февраль 22, 2012 15:05

Душанбе, 22 феврал. (АМИТ «Ховар», Дилшодаи Хайруллоҳ).– Имрӯз варзишгари шинохтаи тоҷик, ҷоизадори Бозиҳои Осиё-2010, аз чемпионати Осиё-2012, ки дар кишвари Куриё баргузор гардид, бо медали биринҷӣ ба ватан баргашт. Муродҷон Тӯйчиеви бистунӯҳсола зимни рақобатҳо дар вазни 120 кг бар ҳарифонаш ҳунари воло нишон дода, ба гирифтани ҷои саввум ноил шуд ва сазовори медали биринҷии мусобиқаи каҳрамонии Осиё гардид.Дар Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Муродҷон Тӯйчиевро раиси Кумитаи мазкур ва ноиби аввали Президенти Кумитаи миллии Олимпии Тоҷикистон Маликшо Неъматов ба ҳузур пазируфта, бо ғалабааш табрику таҳният гуфт. Хамзамон Маликшо Неъматов аз номи Президенти Кумитаи миллии Олимпии Тоҷикистон Эмомалӣ Раҳмон ба Муродҷон Тӯйчиев 5000 сомонӣ тӯҳфаи молӣ супорид. Дар навбати худ Муродҷон Тӯйчиев аз дастгириҳои пайвастаи Ҳукумати Ҷумҳурии Тоҷикистон изҳори миннатдорӣ карда, иброз намуд, ки тамоми кӯшишу ғайрати худро барои ба даст овардани роҳхати олимпӣ равона хоҳад кард. Лозим ба ёдоварист, ки тибқи нақшаи Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Муродҷон Тӯйчиев машқҳои худро дар Ҷумҳурии Исломии Эрон мегузаронад ва ба бозиҳои литсензионӣ омода мешавад.

Февраль 22, 2012 15:05

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд