Намоишгоҳи «Ҳайати шафқат» дар шаҳраки Ғарм
Душанбе, 29 феврал. (АМИТ «Ховар», Лаззат Диловарзод).- Соли ҷорӣ намоишгоҳи сеюми Барномаи USAID ва «Ҳайати шафқат доир ба таҳкими субот дар Тоҷикистон» (БТСТ) дар шаҳраки Ғарм баргузор мегардад. Тибқи иттилои масъулини сафорати Амрико дар Тоҷикистон 6 –уми апрели соли 2012 дар шаҳраки Ғарми ноҳияи Рашт намоишгоҳи навбатии кишоварзӣ доир мешавад. Мақсади намоишгоҳ ба ҳам наздик намудани деҳқонон, фурӯшандагони маводи кишоварзӣ, муассисаҳои хурди молиявӣ ва созмонҳои ҷомеаи шаҳрвандӣ мебошад. Тавассути намоишгоҳ робитаи байни деҳқонон, таъминотчиёни маводи кишоварзӣ, фурӯшандагон ва интиқолдиҳандагони маводи баландсифат ва сертификатдор бо ҳам наздик мешаванд. Боиси тазаккур аст, ки БТСТ ба 63 ҷомеаи деҳоти вилояти Суғд, ноҳияҳои Рашт, Тоҷикобод, Ҷиргатол, Тавилдара ва қисмати ҷанубии вилояти Хатлон ҷиҳати беҳдошти мушкилоти онҳо мусоидат мекунад.Ёдовар мешавем, ки соли ҷорӣ бо дастгирии сафорати Амрико дар Душанбе намоишгоҳи аввалини «Ҳайати шафқат доир ба таҳкими субот дар Тоҷикистон» (БТСТ) 18 –уми феврал дар ноҳияи Ашт ва 26 –уми феврал дар вилояти Хатлон доир гардид.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
