Нашри дуюми рисолаи илмии сиёсӣ роҷеъ ба сиёсати давлатии Президент

Душанбе, 23 феврал. (АМИТ «Ховар», Бекназари Абӯбакр). — Дар нашриёти «Контраст»-и пойтахт нашри дуюми такмилёфтаи рисолаи илмии сиёсии мушовири калони Сарвари давлат Зафар Сайидзода ва корманди масъули Вазорати корҳои хориҷии Тоҷикистон Фаридун Саидов «Сиёсати давлатии Президент Эмомалӣ Раҳмон ва рушди устувори Тоҷикистон» ([attachment=7])ба забони тоҷикӣ аз чоп баромад. Китоб ба 15-умин солгарди рӯзи имзои Созишномаи умумии истиқрори сулҳ ва ризоияти миллии Тоҷикистон бахшида шудааст. Аз ин рӯ, яке аз бобҳои он доир ба аҳамияту таҷрибаи раванди сулҳи тоҷикон ва нақши Президенти Тоҷикистон Эмомалӣ Раҳмон дар он баҳс менамояд. Муаллифон роҷеъ ба масъалаҳои рушди иқтисод, соҳаи ҳифзи иҷтимоӣ ва баъзе ҷанбаҳои ҳаёти маънавии ҷомеа низ изҳори назар кардаанд. Сиёсати хориҷии ҷумҳурӣ ва муносибатҳои Тоҷикистон бо кишварҳои хориҷӣ ва созмонҳои байналмилалӣ мавриди арзёбӣ қарор дода шудаанд. Китоб барои доираи васеи хонандагон иншо гардида, матни электронии онро аз сомонаҳои интернетии АМИТ «Ховар» ва Маркази тадқиқоти стратегии назди Президенти Тоҷикистон дастрас кардан мумкин аст.