Озмун барои журналистони ҷавон

Душанбе, 21 феврал. (АМИТ «Ховар», Эҳсони Абдулло).-Рўзи 22 феврал дар факултети журналистикаи Донишгоҳи Миллии Тоҷикистон даври дуюми озмуни журналистони ҷавон миёни донишҷӯёни болаёқат баргузор мегардад. Ҳадафи асосии озмун баланд бардоштани сатҳи дониш ва малакаи донишҷӯён мебошад. Дар даври аввали озмун 70 нафар донишҷӯй аз донишгоҳҳои кишвар иштирок намуда, 15 нафарашон ғолиб омада, ба даври дуюм роҳхат гирифтанд. Ғолибони даври дуюмро тӯҳфаҳои арзанда интизор аст. Ғолиби ҷойи аввал соҳиби 600 сомонӣ, ҷойи дуюм 400 сомонӣ ва ғолиби ҷойи сеюм соҳиби 200 сомонӣ мегардад.