«Порт Саид» ва «Вастан»-ро тахриб мекунанд, «Ораш»-ро ҳам?

Февраль 22, 2012 14:28

Душанбе, 22 феврал.(АМИТ «Ховар», Марзия Саидова).- Дар робита ба татбиқи Нақшаи генералии шаҳри Душанбе дар қисмати роҳҳои протоколии ҳалқаи якуми шаҳр- кӯчаи С.Айнӣ ва хиёбони Рӯдакӣ дар навбати аввал биноҳои 1-3- ошёна, ки хонаҳои истиқоматианд, дар кӯчаи Айнӣ бартараф карда мешаванд. Ба рӯйхати биноҳое, ки дар кӯчаи Айнӣ тахриб мегарданд, хонаҳои истиқоматии № 42, 54, 58, инчунин як бинои маъмурӣ дар маҳали Айнӣ, 60, мағозаи «Кристалл», қаҳвахонаи «Алишер», филиали «Агроинвестбонк», мағоза, ошхона, сартарошхона ва дигар биноҳое, ки дар суроғаҳои Айнӣ № 32, 34, 40 ва 64 воқеъанд, шомил мебошанд. Дар хиёбони Рӯдакӣ биноҳои истиқоматии №77, 79, 102, 103, 105, 108, 110, 124, 126, 128, 130, 132, 134, 136, инчунин дар суроғаҳои Рӯдакӣ, 84 Марказҳои фароғатию дилхушии «Вастан», «Ораш», дар маҳали Рӯдакӣ, 114 қаҳвахонаи «Порт Саид», ҳамзамон биноҳои идории № 11/1, 32, 33а, 37а, ки мағозаҳои «Шоҳона», гулфурӯшӣ, филиали «Тоҷпромбонк», қаҳвахона ва мағозаи ҷавоҳирот «Ақиқа» воқеъанд, тахриб карда мешаванд. Дар кӯчаи Карамов, 3 як бинои маъмурӣ низ аз байн бардошта мешавад. Дар маҳали биноҳои тахрибшуда, дар асоси Нақшаи генералии шаҳри Душанбе ва нақшаи тарҳрезии маҳал маҷмаи иншооту биноҳои баландошёнаи 9-12 ва 11-16-ошёнаи истиқоматию маъмурӣ бунёд карда мешаванд. Мавриди зикр аст, ки Маҳмадсаид Убайдуллоев, Раиси шаҳри Душанбе борҳо дар ҷаласаҳои шаҳрдорӣ ва мулоқот бо соҳибмулкон гуфтааст, ки зимни аз байн бардоштани биноҳои истиқоматӣ ва идорию хизматрасонӣ ҳуқуқҳои соҳибмулкон поймол намегарданд, балки дар доираи санаду меъёрҳои ҳуқуқии қонугузории кишвар ҳифз карда мешаванд.

Февраль 22, 2012 14:28

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд