Рабудани телефон дар Шаҳринав
Душанбе, 24 феврал. (АМИТ «Ховар», Назрулло Асозода).- 23 феврал аризаи шаҳрванд Ҳалимов Ф. (соли таваллудаш 1977, сокини ноҳияи Шаҳринав, бекор) ворид гардидааст, ки ҳамон рӯз соати 22:00 шахси номаълум ӯро бе ягон асос латукӯб намуда, телефони мобилиашро (тамғаи «Нокиа», ки арзишаш 100 сомонӣ аст) гирифта, аз ҷойи ҳодиса ғайб задааст. Ҳангоми гузаронидани чораҳои фаврию ҷустуҷӯӣ шаҳрванд Муратов Григорий Юрйевич, сокини кӯчаи Варзишгарон дастгир карда шуда, аз ӯ далели шайъӣ гирифта шудааст. Дар ин бора ба АМИТ «Ховар» котиби матбуотии Вазорати корҳои дохилӣ Маҳмадулло Асадуллоев хабар дод.