Рушди ҳамкориҳои иқтисодӣ бо Сингапур

Душанбе, 7 феврал. (АМИТ «Ховар», Покиза Маҳмадбекова). – «Дар Тоҷикистон фазои мусоиди сармоягузорӣ муҳайё гардида, ҷумҳурии мо ҷиҳати сармоягузорӣ дар самтҳои афзалиятноки иқтисод як қатор имтиёзҳо пешбинӣ намудааст», — иброз намуд дар ҷараёни вохӯрӣ муовини вазири рушди иқтисод ва савдои ҶТ Умед Давлатзод бо директор доир ба менеҷменти ширкати сармоягузории FIF Technologies LLP- и Ҷумҳурии Сингапур Гари Чан. Ба мухбири АМИТ «Ховар» аз Вазорати рушди иқтисод ва савдо иттилоъ доданд, ки дар рафти мулоқот ҷонибҳо атрофи рушди ҳамкориҳо дар соҳаҳои иқтисод ва тиҷорат, низоми бонкӣ, нақлиёт ва коммуникатсия, ташкили корхонаҳои муштараки саноатӣ, илму маориф, истеҳсолу коркарди маҳсулоти кишоварзӣ дар кишвар ва содироти он ба хориҷ гуфтугӯи судманд анҷом доданд.