Сафари донишҷӯёни тоҷик ба Куния

Душанбе, 14 феврал. (АМИТ «Ховар», Фарангис Раҳимова). – Беш аз 40 нафар донишҷӯёни тоҷик, ки дар донишкадаҳои олии шаҳри Анқараи Туркия таҳсил менамоянд, бо ибтикори сафорати Тоҷикистон дар Туркия ба қадимтарин шаҳри ин кишвар — Куния сафар карданд. Донишҷӯён дар ҷараёни сафарашон осорхона ва оромгоҳи мутафаккир ва шоири бузурги тоҷику форс Мавлоно Ҷалолиддини Румиро зиёрат намуданд.Ҳамчунин донишҷӯёни тоҷик дар маркази фарҳангии «Мавлоно» дар семинар бахшида ба таҳқиқи таълимоту эҷодиёти Ҷалолиддини Румӣ иштирок карданд. Зимни вохӯрии донишҷӯён бо намояндагони Ассосиатсияи байналмилалии донишҷӯён ба номи Мавлоно перомуни ҳамкории шӯрои донишҷӯёни тоҷики муқими Туркия ва Ассосиатсияи байналмилалии донишҷӯён созиш ба даст омад.