Сатҳи таваррум дар ҶТ

Душанбе, 15 феврал. (АМИТ «Ховар», Покиза Маҳмадбекова ). – Моҳи январи соли ҷорӣ сатҳи таваррум дар Тоҷикистон нисбат ба моҳи декабри соли 2011 дар бахши матлубот 4 фоизро ташкил дод.Мувофиқи маълумоти Агентии омори назди Президенти ҶТ, сабаби баланд шудани сатҳи таваррум асосан тағйири нархи хизматрасонии пулакии аҳолӣ мебошад, ки он баробари 2,7 фоиз баланд шудааст. Аз оғози соли равон индекси нархҳои истеъмолӣ 100,4 фоиз, аз ҷумла нархҳои маводи ғизоӣ 99,9 фоиз, молҳои ғайриғизоӣ 100,4 фоиз ва хизматрасонии пулакии аҳолӣ 102,7 фоизро ташкил дод.Қобили зикр аст, ки таваррум моҳи январи соли ҷорӣ дар Қирғизистон 8 фоиз, Русия 5 фоиз ва Қазоқистон 3 фоизро ташкил дод.