Шаҳрванди Тоҷикистон аз АМА ба ватан баргашт

Февраль 2, 2012 15:52

Душанбе, 2 феврал. (АМИТ «Ховар», Пайрав Назаров).-12 январи соли 2012 аз ҷониби Идораи полиси Аморати Шарҷа (Амороти Муттаҳидаи Араб) ду нафар шаҳрванди Ҷумҳурии Тоҷикистон — Шаҳбоз Каримов, соли таваллудаш 1992 ва Файзалӣ Қадриддинов, соли таваллудаш 1990, дастгир шуданд. Дар ин бора сардори Раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷии Чумҳурии Тоҷикистон Давлаталӣ Назриев имрӯз зимни брифинги матбуотӣ ба журналистон хабар дод.Ӯ ҳамчунин афзуд, ки онҳо дар содир намудани ҷиноятҳои дуздӣ, аз ҷумла дуздии ашёи қиматбаҳо аз дохили мошинҳо, хариду фурӯши ғайриқонунии машрубот, маводи нашъадор, садамаи нақлиётӣ бо кормандони полис ва зери хатар гузоштани ҳаёти кормандони полис гумонбар дониста шуда, нисбат ба онҳо парвандаи ҷиноӣ оғоз гардид. Дар рафти тафтишоти пешакии мурофиявӣ бо сабаби дар кирдорҳои Файзалӣ Қадриддинов мавҷуд набудани аломатҳои ҷиноят ӯ озод шуда, ба Тоҷикистон баргашт. Нисбат ба парвандаи шаҳрванд Шаҳбоз Каримов тафтишот идома дорад.Қазияи мазкур таҳти назорати доимии Консулгарии генералии Ҷумҳурии Тоҷикистон дар Дубай қарор дорад.

Февраль 2, 2012 15:52

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд