Шароби ғайристандартӣ нобуд карда шуд
Хоруғ, 27 феврал. (АМИТ «Ховар», Л.Додо ). – Нозироти андози шаҳри Хоруғ 600 шишаи арақи ғайристандартиро, ки зимни санҷиши муштарак мусодира гардида буд, дар ҳузури намояндагони додситонӣ, санитарию эпидемиологӣ ва ҷамъияти матлуботи вилоят нобуд сохт. Қобили зикр аст, ки чанд моҳи охир бар асари истеъмоли шароби худсоз чанде аз сокинони шаҳр заҳролуд гардида ва ҷони худро аз даст доданд. Ба гуфтаи табибон, баъзе аз машруботи спиртӣ дар шароити хона аз спирти шубҳанок тайёр карда мешавад, ки истемоли он барои инсон хатар дорад.