Сомонаи конфронси RECCA-V ба кор шурӯъ кард

Душанбе, 3 феврал. (АМИТ «Ховар», Пайрав Назаров). – Сомонаи расмии Конфронси панҷуми ҳамкории иқтисодии минтақавӣ оид ба Афғонистон (RECCA-V), ки 26 – 27 март дар шаҳри Душанбе баргузор мешавад, ба кор шурӯъ кард. Дар ин бора сардори Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ Давлаталӣ Назриев хабар дод.Дар ин сомона ҳамаи маълумоти зарурӣ дар бораи конфронси пешрӯ, кумитаи тадорукотӣ, симпозиуми илмӣ ва форуми аҳли тиҷорат гирд оварда шудааст.