«Созандагони Ватан» бо сарбозони Ватан аст

Душанбе, 22 феврал. (АМИТ «Ховар», Дилшодаи Хайруллоҳ).– Имрӯз бахшида ба 19-умин солгарди таъсиси Қувваҳои мусаллаҳи Ҷумҳурии Тоҷикистон бо ташаббуси Ташкилоти ҷамъиятии ҷавонон «Созандагони Ватан» дар қисми низомии №08010-и нерӯҳои хушкигарди Қувваҳои мусаллаҳи Ҷумҳурии Тоҷикистон, ки маркази таълимии Вазорати мудофиаи мамлакат маҳсуб меёбад, маҳфили идона доир гардид.Дар он роҳбарияти ташкилоти «Созандагони Ватан», намояндагон аз нерӯҳои хушкигарди Вазорати мудофиа, собиқадорони соҳа ва волидайни сарбозон ширкат варзиданд. Меҳмонон вобаста ба таъсис ва фаъолияти Қувваҳои мусаллаҳ, саҳми он дар пойдории Истиқлолияти давлатӣ, ҷалби ҷавонон ба сафҳои Артиши миллӣ, ҳисси ватандӯстиву ифтихор аз ватандорӣ сухан карда, сарбозонро ба иттиҳоду ягонагӣ ва созандагиву бунёдкорӣ даъват намуданд.Сипас ба хизматчиёну сарбозони пешқадам тӯҳфаҳои ташкилоти «Созандагони Ватан», аз қабили дастгоҳи DVD, мӯйпасткунак ва дарзмол супорида шуд.Барои хотири болидаи сарбозон аз ҷониби ихтиёриёну фаъолони «Созандагони Ватан» барномаи фарҳангӣ доир гардид.