Стипендия барои ғолибон

Душанбе, 24 феврал. (АМИТ «Ховар», Дилшодаи Хайруллоҳ).– Бо мақсади ҳавасманд гардонидани ғолибону ҷоизадорони мусобиқаҳои бонуфузи байналмилалӣ, инчунин дастгирии варзишгарони болаёқат ва собиқадорони соҳа дар соли ҷорӣ стипендияи Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон таъсис дода шуд. 2 стипендия бо андозаи 300 (сесад) сомонӣ барои собиқадорон, 8 стипендия бо андозаи 250 (дусаду панҷоҳ) сомонӣ барои ғолибони мусобиқаҳои бонуфузи байналмилалӣ, 27 стипендия бо андозаи 150 (яксаду панҷоҳ) сомонӣ барои ҷоизадорони мусобиқаҳои бонуфузи байналмилалӣ ва 9 стипендия бо андозаи 100 (сад) сомонӣ барои барои варзишгарони болаёқат пешбинӣ шудааст.