Таҷҳизоти нави чопӣ

Конибодом, 16 феврал. (АМИТ «Ховар», М.Амонов). – Дар матбааи давлатии ба номи Набӣ Фахрии шаҳри Конибодом дастгоҳи муосири чопи офсетии сохти Чехия васлу насб гардид. Ин дастгоҳ «Доминат – 725» ном дошта, бо дастгирии мақомоти иҷроияи ҳокимияти давлатии шаҳри Конибодом аз ҳисоби маблағҳои фоидаи корхона ба маблағи 150 ҳазор сомонӣ харида шудааст.Иқтидори чопии он 10 ҳазор нусха дар як соат мебошад. Алҳол бо васлу насби таҷҳизоти нав имконият пайдо шуд, ки нашрияи «Садои Конибодом», ҳамчунин дигар рӯзномаю нашрияҳо, дастуру варақаҳо низ чоп шаванд.