Тайёрӣ ба кишти баҳорӣ

Рашт, 16 феврал. (АМИТ «Ховар», М.Ризвонов). – Имрӯзҳо дар хоҷагиҳои кишоварзии ноҳияи Рашт, аз ҷумла дар хоҷагиҳои деҳқонию инфиродӣ таъмири техника барои кишту кори баҳорӣ бо суръат идома дорад.Мувофиқи маълумоти раёсати кишоварзии ноҳия дар хоҷагиҳо 30 трактор, 30 плуг, 8 адад тухмипошак, 5 василаи кишти картошка ва 5 комбайни ғалладарав мавҷуд аст. Аз шумораи 30 трактори шудгоркунанда ҳамаи онҳо ва 30 плуг пурраю хушсифат аз таъмир бароварда шуд. Кишоварзон ният доранд, ки техникаҳои дар ихтиёрашон бударо то мавсими кишти баҳорӣ пурра омода намоянд.