Тайёрӣ ба Наврӯз
Кӯлоб, 11 феврал. (АМИТ «Ховар», С.Холов). – Дар ноҳияи Фархор тайёрӣ ба Наврӯзи аҷам оғоз гардида, дар аксари ҷамоатҳо корҳои ободонӣ ва ниҳолшинонӣ идома дорад. Сокинони ҷамоати деҳоти Деҳқон – Ариқи ноҳия 1250 адад ниҳоли зардолуро, ки аз вилояти Суғд оварда шуда буд, дар заминҳои ҷамоат шинониданд. Бино ба иттилои раиси ҷамоати мазкур Юсуфхон Қаюмов дар ҳудуди ҷамоат 267 хоҷагии деҳқонӣ фаъолият дошта, дар ин рӯзҳо ба шинонидани дарахтони гуногун ва тоза кардани заҳбуру заҳкашҳо сафарбар гардидаанд.