Ташаббуси наҷиб

Рашт, 16 феврал. (АМИТ «Ховар», М.Ризвонов). – Яке аз мушкилоте, ки муҳоҷирони меҳнатии тоҷик дар хориҷи кишвар ба он дучор мегарданд, аз надоштани тахассуси бинокорӣ мебошад. Ба хотири то андозае ҳал намудани ин масъала аз тарафи Кумитаи марказии иттифоқи касабаи кормандони сохтмон ва саноати масолеҳи бинокории ҷумҳурӣ дар назди омӯзишгоҳи касбию техникии №61-и ноҳияи Рашт курси семоҳаи омӯзишӣ аз рӯи ихтисосҳои кафшергар ва бинокор кушода шудааст.Айни ҳол 60 нафар хоҳишманд ба таҳсил фаро гирифта шуда, ба онҳо шароит барои машғулият ва таҷҳизоти зарурӣ муҳайё карда шудааст.Устоҳои таълими истеҳсолӣ М.Мӯсоев ва М. Додов кӯшиш ба харҷ медиҳанд, ки мутахассисони соҳибкасби соҳаи сохтмонро тайёр намоянд.