Таъсиси ҷойҳои кории холӣ дар Кӯлоб

Кӯлоб, 8 феврал. (АМИТ «Ховар», С.Холов ). – Раёсату шӯъбаҳои Агентии давлатии ҳифзи иҷтимоӣ, шуғли аҳолӣ ва муҳоҷирати шаҳру ноҳияҳои минтақаи Кӯлоб дар ҳамкорӣ бо шӯъбаҳои кор бо ҷавонони шаҳру ноҳияҳо ва кордиҳандагон дар давоми як соли сипаригардида 108 ярмаркаи ҷойҳои кории холӣ ва вазифаҳои озод гузарониданд, ки дар онҳо 1035 корхона иштирок намуда, 18 ҳазору 250 ҷойи кории холӣ ва вазифаи озодро пешниҳод карданд, — гуфт сардори раёсат Сайдаҳмад Пириев. Тавассути ин ярмаркаҳо 732 нафар бо касбомӯзӣ, 170 нафар бо корҳои ҷамъиятӣ ва 661 нафар бо кори доимӣ таъмин шудаад.