Таъсиси гурӯҳи корӣ

Хоруғ, 11 феврал. (АМИТ «Ховар», Л.Додо). – Бо ибтикори мақомоти маҳаллии ҳокимияти давлатии ноҳияи Дарвоз гурӯҳи корӣ таъсис дода шуд, ки сарпарастии онро раис ва муовинони раиси ноҳия ба ӯҳда доранд. Ба ҳайати гурӯҳи корӣ иқтисоддонҳо, кормандони идораҳои фарҳангу маориф, коркунони масъули мақомоти маҳаллии ҳокимияти давлатӣ шомиланд.Аъзои гурӯҳи корӣ дар ҳамаи ҷамоатҳои деҳот аз натиҷаи бурду бохти фаъолият дар соли 2011 ба мардум ахборот дода, аз нақшаҳои соли 2012 ҳарф мезананд. Ҳайати гурӯҳи корӣ зимни вохӯриҳо аз аҳамияти таҷлили 20 – умин солгарди Иҷлосияи 16 – уми Шӯрои Олии ҷумҳурӣ ва 15 – умин солгарди Ваҳдати миллӣ сухан меронанд.