Тирпарронӣ миёни дастаҳои сохторҳои низомӣ

Душанбе, 20 феврал. (АМИТ «Ховар», Дилшодаи Хайрулло).–Тибқи нақшаи чорабиниҳои Кумитаи ҷавонон, варзиш ва сайёҳӣ бахшида ба 19-умин солгарди Рӯзи таъсиси Қувваҳои мусаллаҳи Ҷумҳурии Тоҷикистон санаи 19 феврали соли равон дар бошишгоҳи ҷумҳуриявии Кумитаи марказии ташкилоти ҷамъиятии мудофиаи «Мададгор» — и Ҷумҳурии Тоҷикистон мусобиқаи тирпарронӣ миёни дастаҳои 6 нафараи сарбозон аз ҷузъу томи сохторҳои низомӣ сурат гирифт. Дар чорабинӣ 8 даста иштирок намуд. Ҳар як вазорат ва идораи қудратӣ аз ҳар қушӯн як дастаӣ ба мусобиқа пешниҳод намуданд.Муовини раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон М. Муинова иштирокчиёни чорабинӣ ва дар симои онҳо тамоми ҳимоятгарони ватанро бо ин ҷашн табрик гуфта, дар хизмати пурмасъулият ба онҳо бурдбориҳо таманно кард.Дар ҷамъбаст ҷои аввалро сарраёсати иҷрои ҷазои ҷиноятии Вазорати адлия, ҷои дуввумро ҳайати қушӯнҳои зудамали Вазорати мудофиа ва ҷои саввумро қисми низомии 2611- и Сарраёсати қушӯнҳои сарҳадии Кумитаи давлатии амнияти Ҷумҳурии Тоҷикистон сазовор гардиданд.