Тоҷикистону Куриё созишномаро имзо мекунанд

Душанбе, 3 феврал. (АМИТ «Ховар», Лутфия Эшонқулова). – 2 феврал дар шаҳри Душанбе мулоқоти сардори Хадамоти муҳоҷирати назди Ҳукумати ҶТ Сафиалло Девонаев бо вакили муваққатии корҳои Сафорати Ҷумҳурии Куриё дар ҶТ Ён Ҷон – Ку баргузор гардид.С.Девонаев дар ҷараёни мулоқот ба дипломати Куриё аз фаъолияти Хадамоти муҳоҷират, вазифаҳои асосӣ ва дурнамои он нақл кард.Сардори Хадамоти муҳоҷирати ҶТ зикр намуд, ки лоиҳаи созишномаи байниҳукуматӣ перомуни ҳамкорӣ дар бахши муҳоҷирати меҳнатӣ ва ҳифзи иҷтимоии муҳоҷирони меҳнатии миёни Тоҷикистону Куриё таҳия ва бо вазорату идораҳои Ҷумҳурии Тоҷикистон мувофиқа карда шудааст.Ҷонибҳо изҳор доштанд, ки ин созишнома бояд ҳар чи зудтар ба имзо расонида ва стратегияи рушди ҳамкорӣ дар бахши муҳоҷирати меҳнатӣ муайян карда шавад.