Узви нави Раёсати ББҲБ аз ҶТ
Душанбе, 16 феврал. (АМИТ «Ховар», Людмила Дубинина). – Бо қарори Ҳукумати Ҷумҳурии Тоҷикистон аз 15 феврали соли 2012 муовини аввали вазири маорифи ҶТ Фарҳод Раҳимов узви Раёсати Бунёди байнидавлатии ҳамкории башардӯстона (ББҲБ) дар Ҷумҳурии Тоҷикистон тайин гардид. Дар ин бора аз намояндагии ББҲБ дар ҶТ хабар доданд.Хотирнишон месозем, ки доктори илми физикаю математика Ф.К.Раҳимов соли 1992 факултаи физикаи Донишгоҳи давлатии Тоҷикистонро хатм кардааст. Соли 1995 ба ҳайси аспиранти Институти муттаҳидаи тадқиқоти ядроии шаҳри Дубнаи вилояти Маскав рисолаи номзадиро ҳимоя намуд. Баъди хатми аспирантура дар кафедраҳои физикаи назариявии умумӣ фаъолият намуда, соли 2005 рисолаи докториро дифоъ кард.Аз соли 2001 то соли 2005 ба ҳайси сардори Раёсати ҳамоҳангсозӣ ва дурнамои Донишгоҳи миллии Тоҷикистон фаъолият дошт. Соли 2005 муовини вазири маорифи ҶТ ва моҳи декабри соли 2006 муовини аввали вазири маорифи ҷумҳурӣ тайин шуд.Ф.Раҳимов муаллифи беш аз 100 асари илмӣ, 14 рисолаю китобҳои дарсӣ аз рӯи физика барои донишкадаҳои олӣ мебошад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
