Ваъдаи вакилон

Кӯлоб, 28 феврал. (АМИТ «Ховар», С.Холов ). – Дар шаҳри Кӯлоб вохӯрии намояндагони маҷлиси вакилони халқ бо интихобкунандагон баргузор гардид. Мақсад аз ин вохӯрӣ баррасии корҳои анҷомдодаи вакилон дар тӯли ду соли сипаригардида буд. Зимни вохӯрӣ интихобкунандагон аз набудани лӯлаҳои оби ошомиданӣ дар маҳаллаҳои навбунёд, таъмири роҳҳои маҳаллӣ, таъмин накардани аҳолӣ бо барқ, таваҷҷӯҳи бештар зоҳир кардан ба оромгоҳҳо, таъмири мактабҳои таҳсилоти умумӣ ва перомуни дигар масъалаҳои мубрами рӯз ҳарф заданд. Вакилон изҳор намуданд, ки ин мушкилот бо дастгирии мақомоти иҷроияи ҳокимияти давлатии шаҳри Кӯлоб то охири сол ҳал хоҳад шуд.