Варзишгари тоҷик Николай Ноев- барандаи медали биринҷӣ

Душанбе, 9 феврал. ( АМИТ «Ховар», Аловиддин Бӯриев).- Тавре ки аз Кумитаи миллии олимпии мамлакат хабар доданд, дар шаҳри Софияи Булғористон бо ширкати зиёда аз 100 варзишгари беҳтарини ҷаҳон мусобиқаи байналмилалии гӯштини тарзи озод ва юнонию румӣ ба анҷом расид, ки дар он узви дастаи миллии ҷумҳурӣ Николай Ноев дар вазни 60 кг хуб ҳунарнамоӣ карда, соҳиби медали биринҷӣ шуд. Бояд тазаккур дод, ки Ноев соли гузашта дар чемпионати ҷаҳон ҳам ҳунари хуб нишон дода буд. Ин варзишгар имконияти хуби ба даст овардани роҳхат ба Бозиҳои олимпии Лондонро соҳиб аст.