Вазъи фурӯши намаки ошӣ
Кӯлоб, 16 феврал. (АМИТ «Ховар», Ф.Мадаминов). – Дар ноҳияи Восеи минтақаи Кӯлоб корхонаи калони намаки ошӣ фаъолият мекунад. Захираи кони намак барои солҳои зиёд мерасад, аммо тарзи тайёр кардани он ба стандарти йоднок кардашудаи давлатӣ ҷавобгӯ нест. Мутобиқи гузориши маркази ташхисии мубориза бар зидди касалии ҷоғар дар айни замон ин намуди касалӣ дар байни наврасон ва ҷавонон бештар аст, ки ин аз бейод будани намак мебошад. Дар ҳамаи марказҳои савдои шаҳр фурӯши намак ба роҳ монда шудааст, вале ба меъёр ҷавобгӯй будани он аниқ нест. Аслан ин вазифаи Агентии назорати стандарти давлатист.