Ярмарка бо пешниҳоди ҷойи кор

Суғд, 20 феврал. (АМИТ «Ховар», Мирзалӣ Амонов).- Бо мақсади таъмини шаҳрвандони бешуғл бо ҷойи кори доимӣ 17- уми феврал дар Муассисаи давлатии «Қасри ҷавонон»-и шаҳри Хуҷанд ярмаркаи ҷойҳои кории холӣ баргузор гардид. Дар ярмарка раёсату шӯъбаҳои Агентии шаҳру ноҳияҳои Хуҷанд, Б.Ғафуров, Қайроққум,Чкалов, Табошар, Ҷ.Расулов, Спитамен иштирок намуданд. Дар ярмарка 89 намояндаи ташкилоту муассисаҳои гуногун иштирок намуда, 1300 ҷойи кории холиро пешниҳод намуданд. Дар ярмарка зиёда аз 620 нафар шаҳрванди бекор иштирок намуда, ба 42 нафар шаҳрванди корҷӯй барои бо ҷойи кори доимӣ таъмин гардидан роҳхат дода шуд. 28 нафар шаҳрванд барои касбомӯзӣ ба муассисаҳои таълимии системаи Агентӣ ҷалб шуда, 9 нафар шаҳрванди бо хоҳиши кор кардан берун аз ҷумҳурӣ номнавис гардиданд. Музди моҳонаи пешниҳодшуда аз 120 сомонӣ то 900 сомонӣ буд.