Ярмаркаи ҷойҳои кории холӣ дар Суғд
Душанбе, 17 феврал. (АМИТ «Ховар», Покиза Маҳмадбекова). — Имрӯз дар муассисаи давлатии «Қасри ҷавонон» — и шаҳри Хуҷанд ярмаркаи ҷойҳои кории холӣ баргузор гардид. Аз рӯи иттилои Хадамоти матбуоти раиси вилояти Суғд, ярмарка аз тарафи сарраёсати Агентии давлатии ҳифзи иҷтимоӣ, шуғли аҳолӣ ва муҳоҷирати вилоят ташкил гардид. Дар ярмарка 89 намояндаи ташкилоту муассисаҳои гуногуни вилоят иштирок ва 1300 ҷойи кории холӣ пешниҳод намуданд. Музди маоши ҷоӣҳои кории холии пешниҳод гардида аз 120 сомонӣ то 900 сомонӣ мебошад. Дар ҷараёни ярмарка ба зиёда аз 42 нафар шаҳрванди корҷӯй роҳхат дода, 28 нафар шаҳрванд барои касбомӯзӣ ба муассиссаҳои таълимии системаи Агентӣ ҷалб шуданд. Ҳамчунин 9 нафар шаҳрванди бекор барои кор берун аз ҷумҳурӣ номнавис гардиданд. Дар ярмарка зиёда аз 620 нафар шаҳрвандони бекор ширкат варзиданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






