Захираи тухмӣ басанда нест

Душанбе, 28 феврал. (АМИТ «Ховар», Лаззат Диловарзод).- То 10 –уми феврали соли ҷорӣ дар хоҷагиҳои ҷамъиятӣ ва деҳқонӣ (фермерӣ)- и ҷумҳурӣ ба андозаи 44 ҳазору 60 тонна ғаллаи тухмӣ (бе ҷуворимакка ва фонди эҳтиётӣ), аз ҷумла 39 ҳазору 555 тонна гандум, 479 тонна шолии тухмӣ, 402 тонна ҷуворимаккаи тухмӣ, 23 ҳазору 155 тонна картошкаи тухмӣ, 59 тонна сабзавоти тухмӣ ва 20 ҳазору 644 тонна чигити тухмӣ захира шудааст.Тибқи маълумоти раёсати растанипарварии Вазорати кишоварзии ҷумҳурӣ нисбат ба ҳамин давраи соли 2011 ба андозаи 26 фоиз сабзавоти тухмӣ ва 16 фоиз чигити тухмӣ зиёд захира шудааст. Ба иттилои манбаъ, дар ин муддат 15 фоиз камтар ғаллаи тухмӣ ва лӯбиёгиҳо, аз ҷумла гандуми тухмӣ 16,6 фоиз, шолии тухмӣ 4 фоиз, ҷуворимаккаи тухмӣ 39 фоиз ва 16 фоиз камтар картошкаи тухмӣ захира шудааст, ки дар мавсими кишт метавонад ба кор халал ворид намояд.