100 млн. доллар барои татбиқи Стратегии шарикӣ

Душанбе, 2 март. (АМИТ «Ховар», Лаззат Диловарзод).- Бино ба маълумоти намояндагии Бонки ҷаҳонӣ дар Тоҷикистон, ду рӯз пеш сафари директор оид ба стратегия ва амалиёти Бонки ҷаҳонӣ дар минтақаи Аврупо ва Осиёи Марказӣ Теодор Алерс ва директори минтақавии Бонки ҷаҳонӣ дар Осиёи Марказӣ Кумар Ҷо дар ҷумҳуриҳои Тоҷикистон, Қирғизистон, Ӯзбекистон ва Туркманистон анҷом ёфт. Ҷанобон Теодор Алерс ва Кумар Ҷо ҳадаф аз ин сафарро ба ҷумҳуриҳои зикршуда мулоқот бо мақомоти дахлдори ҳукуматҳои ин ҷумҳуриҳо ва шарикон оид ба амалисозии лоиҳаҳои мададрасон арзёбӣ кардаанд,- иттилоъ доданд аз маркази матбуот ва иттилооти Вазорати рушди иқтисод ва савдо ба мухбири АМИТ «Ховар». Намояндагони Бонки ҷаҳонӣ зимни боздид аз Тоҷикистон масъалаи тайи ду соли наздик ба Тоҷикистон ҷудо намудани маблағи 100 млн. доллари амрикоиро баррасӣ намуда, онро қисмате аз дастгирии машваратӣ дар татбиқи Стратегии шарикӣ донистаанд.