Ғ.Авзалов : «Чорводориро бояд вусъат дод»

Душанбе, 20 март. (АМИТ «Ховар», Мурод Сотиев). – 19 март дар шаҳри Қӯрғонтеппа иҷлосияи нӯҳуми даъвати чоруми Шӯрои вилоятии намояндагони халқи вилояти Хатлон баргузор гардид. Раиси вилояти Хатлон Ғайбулло Авзалов зимни гузоришаш иброз дошт, ки бояд ба рушди соҳибкорӣ дар соҳаи истеҳсолот таваҷҷӯҳи хоса дода шавад. Мавсуф ҳамчунин гуфт, ки бояд механизми рушди соҳибкорӣ роҳандозӣ шуда дар ҷамоатҳо корхонаҳои саноатӣ бунёд гарданд. Ғ.Авзалов ҳамчунин зикр намуд, ки имрӯз дар вилояти Хатлон 37 ҳазор хоҷагии деҳқонӣ фаъолият дошта ва нишондиҳандаҳои истеҳсолии онҳо афзоиш меёбад. «Бояд риштаи чорводориро тараққӣ дода, барои ин мутахассисони соҳаи мазкур ҷалб карда шаванд. Алҳол дар вилоят беш аз 100 лоиҳаи сармоягузорӣ роҳандозӣ мешавад, ки ин ба рушди соҳибкорӣ мусоидат хоҳад намуд», — гуфт Ғ.Авзалов.