Ғоратгарӣ дар пойтахт

Душанбе, 13 март. (АМИТ «Ховар», Назрулло Асозода).- Тавре ки аз Вазорати корҳои дохилии Тоҷикистон ба мухбири АМИТ «Ховар» иттилоъ доданд, санаи 08 марти соли 2012 аризаи шаҳрванд Зикаев О.(соли таваллудаш 1983, сокини кӯчаи Турсунзода) ворид гардид, ки 01 марти соли 2012 тахминан соати 2:00 дар хонаи 197, воқеъ дар кӯчаи Алочабофони ноҳияи Рӯдакӣ Билол ном шахс бо 4 нафар рафиқонаш бо роҳи зӯроварӣ ӯро латукӯб намуда, аз кисааш 5500 доллари ИМА-ро тасарруф намуда, аз ҷойи ҳодиса ғайб задаанд. Ҳангоми гузаронидани чораҳои фаврию ҷустуҷӯӣ маълум гардид, ки шаҳрвандон: Абдулҳаев Билолиддин (соли таваллудаш 1989, сокини кӯчаи Деҳотӣ, бекор), Ятимов Пирумшоҳ Давлатхӯҷаевич (соли таваллудаш 1990, сокини кӯчаи 50-солагии Тоҷикистон, бекор), Ғиёсов Мирзомуддин (соли таваллудаш 1990, сокини ҳамон ҷо, донишҷӯи бахши 3-юми Донишгоҳи миллии Тоҷикистон) дастгир карда шуданд. Барои дастгир кардани боз ду нафар гумонбаршуда чораҳои фаврию ҷустуҷӯӣ идома доранд.