Қаллобӣ дар шаҳри Кӯлоб
Душанбе, 15 март. (АМИТ «Ховар», Назрулло Асозода).- Тавре ки аз Вазорати корҳои дохилии Тоҷикистон ба мухбири АМИТ «Ховар» иттилоъ доданд, 13 марти соли 2012 аризаи шаҳрванд М.Холиқов (соли таваллудаш 1958, сокини кӯчаи Рӯдакии шаҳри Кӯлоб, бекор) ворид гардидааст. Соли 2011-ум шаҳрванд Қурбонов Ҳасан Раҳимович (соли таваллудаш 1965, сокини кӯчаи Сафаров, бекор) бо роҳи фиреб ба бовариаш даромада, аз ӯ 30 000 доллари ИМА-ро гирифта, то ҳол барнагардонидааст. Тафтиши ин ҳодиса ҷараён дорад.