Қочоқчиён дастгир шуданд

Душанбе, 12 март. (АМИТ «Ховар», Лутфия Эшонқулова). – Дар ҷануби кишвар 3 нафар шаҳрвандони Тоҷикистон ба гумони қочоқи маводи нашъаовар дастгир шуданд. Мувофиқи хабари ВКД ҶТ, 11 март дар ҷараёни амалиёти фаврӣ дар ҳудуди шаҳри Қӯрғонтеппа ҳангоми аз назаргузаронии автомобили сокини 27 — солаи ноҳияи Восеъ як бастаи селофании дорои беш аз 1,5 килограмм маводи нашъаовар пайдо гардид. Маълум шуд, ки ин миқдор маводи нашъаовар азони сокини 45 — солаи ҷамоати Мичурини деҳаи Меҳнатобод будааст. Мувофиқи суханони манбаъ, дар ҷараёни амалиёти навбатӣ дар ҳудуди ноҳияи Ҷомӣ 2 нафар сокинони шаҳри Қӯрғонтеппа дастгир шуданд. Ҳангоми тафтишот аз якеи онҳо беш аз 1 килограмм маводи нашъаовар пайдо ва мусодира гардид. Аз рӯи ин ҳодисаҳо парвандаи ҷиноӣ кушода, тафтишот идома дорад.