Ҳаҷми хидматрасонии пулакӣ афзуд
Душанбе, 19 март. (АМИТ «Ховар», Покиза Маҳмадбекова). – Ҳаҷми хидматрасонии пулакии аҳолии Тоҷикистон тайи моҳҳои январ — феврали соли равон беш аз як миллиарду 200 миллион сомониро ташкил дод, ки назар ба ҳаҷми ҳамин давраи соли гузашта 14,5 фоиз зиёд аст. Мувофиқи маълумоти Агентии омори назди Президенти ҶТ, корхонаю ташкилотҳои сабтшудаи хидматрасонии пулакии аҳолӣ ба маблағи 494 миллиону 300 ҳазор сомонӣ хидмат расонидаанд, ки 39,9 фоизи хидматрасонии умумиро ташкил медиҳад.Дар ҳамин давра шаҳри Душанбе ҳаҷми хидматрасонӣ ба ҳар сар аҳолиро нисбат ба нишондиҳандаи миёнаи ҷумҳурӣ баробари 3,9 фоиз афзун намуд.