Ҳайати ҶТ ба Берлин рафт

Душанбе, 7 март. (АМИТ «Ховар», Пайрав Назаров). – 6 март ҳайати расмии Ҷумҳурии Тоҷикистон иборат аз муовини аввали вазири корҳои хориҷии Тоҷикистон Маҳмудҷон Собиров ва муовини аввали вазири мелиоратсия ва захираҳои оби мамлакат Султон Раҳимов барои иштирок дар Конфронси «Дипломатияи об барои Осиёи Марказӣ», ки 7 — 8 марти соли равон баргузор мегардад, ба шаҳри Берлин рафт.Ин чорабинӣ бо ибтикори Вазорати федералии корҳои хориҷии Олмон роҳандозӣ мешавад. Иштироки ҳамаи намояндагони вазоратҳои корҳои хориҷӣ ва вазоратҳои оид ба масъалаҳои оби кишварҳои Осиёи Марказӣ дар конфронс дар назар аст.Аз рӯи натиҷаи конфронс Изҳороти муштарак қабул мешавад.Дар ин бора дар Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.